Dobrodošli ~ Добродошли

Slovjanski

Slovjanski («Slovianski») jest medžuslovjanski pomoćny język stvorjeny v 2006 godě kako sųtrudnično usilje grupy ljudij iz råzličnyh krajev, sòbranyh na Slovjanskom Forě. On može byti velika pomoć za pųtovateljev i mnogo upotrěbimo orųdje za kogokoli, ktory by htěl dosęgnųti cěly slovjanski svět posrědstvòm vebsajtov, forov, spisov e-mejľskih i t.d., bez potrěby prěvodženja teksta na råzne języki. Znanje togo języka pozvaljaje člověku byti råzumlivy za vsjakogo govoritelja slovjanskogo języka i råzuměti vęće, neželi samų osnovų teksta v kojem-nebųď slovjanskom językě. Slovjanski jest takože mnogo dobra metoda za tyh, ktori hoćųt načęti učiti sę svojemu pŕvomu slovjanskomu języku.

Na tyh strånicah nahodite osnovy slovjanskogo języka: kråtkų gramatikų, slovnik, prikladne teksty, råzlične orųdja, linki i inų informacijų. V najblizkoj bųdųćnosti bųde takože kurs języka. Ako hoćete uviděti slovjanski v akciji, zòvemo vas posětiti našų viki.

Želajemo vam prijemnogo i, imajmo nadějų, upotrebimogo pobytja!

Naš cěľ

– Iztvoriti novy medžuslovjanski język, ktory vsjaki Slovjan mogl by naučiti sę govoriti i pisati v sedmi dnjev.
– Iztvoriti novy medžuslovjanski język, ktory vsjaki ne-Slovjan mogl by naučiti sę govoriti i pisati v tridesęti dnjev.

Словјански

Словјански («Slovianski») јест меджусловјански помочны језык створьены в 2006 годе како сутруднично усилје групы льудиј из различных крајев, собраных на Словјанском Форе. Он може быти велика помоч за путовательев и много употребимо орудје за когоколи, кторы бы хтел досегнути целы словјански свет посредством вебсајтов, форов, списов е-мејльских и т.д., без потребы преводженја текста на разне језыки. Знанје того језыка позвальаје чловеку быти разумливы за всьакого говорительа словјанского језыка и разумети вече, нежели саму основу текста в којем-небудь словјанском језыке. Словјански јест такоже много добра метода за тых, ктори хочут начети учити се својему првому словјанскому језыку.

На тых страницах находите основы словјанского језыка: кратку граматику, словник, прикладне тексты, различне орудја, линки и ину информацију. В најблизкој будучности буде такоже курс језыка. Ако хочете увидети словјански в акцији, зовемо вас посетити нашу вики.

Желајемо вам пријемного и, имајмо надеју, употребимого побытја!

Наш цель

– Изтворити новы меджусловјански језык, кторы всьаки Словјан могл бы научити се говорити и писати в седми дньев.
– Изтворити новы меджусловјански језык, кторы всьаки не-Словјан могл бы научити се говорити и писати в тридесети дньев.