Sěverny Větr i SolnceSěverny Větr i Solnce sporili se o tom, koj iz njih jest silnějši, kogda prohodil putovatelj ovineny v teplom plašču. Oni dogovorili se, že togo, kto prvy uspěje pričiniti, že putovatelj sojme svoj plašč, trěba jest uznati za silnějšego od drugogo. Na čto Sěverny Větr načel duti tako močno kako mogl, ale čim močněje on dul, tym bolje putovatelj ovival se v plašču. I nakonec Sěverny Větr byl prinudženy, da by poddal se. Potom Solnce načelo blěskati goreče, a putovatelj směsta sjel svoj plašč. Togda Sěverny Větr iměl priznati, že Solnce jest silnějše iz njih dvoh. |
Сєверны Вєтр и СолнцеСєверны Вєтр и Солнце спорили се о том, кој из њих јест силнєјши, когда проходил путоватељ овинены в теплом плашчу. Они договорили се, же того, кто првы успєје причинити, же путоватељ сојме свој плашч, трєба јест узнати за силнєјшего од другого. На что Сєверны Вєтр начел дути тако мочно како могл, але чим мочнєје он дул, тым боље путоватељ овивал се в плашчу. И наконец Сєверны Вєтр был принуджены, да бы поддал се. Потом Солнце начело блєскати горече, а путоватељ смєста сјел свој плашч. Тогда Сєверны Вєтр имєл признати, же Солнце јест силнєјше из њих двох. |